Oskar De La Xoyya Jeyron Ennis bilan jang uchun Verjil Ortis foydasiga 60/40 gonorar bo'lishini talab qilmoqda

U yarim o'rta vazn toifasida sobiq jahon chempioni Jeyron Ennisning manfaatlarini himoya qiluvchi hamkasbi Eddi Xirnga shart qo'ydi. De La Xoyyaning takidlashicha, bu bokschilar o'rtasidagi jang faqat Ortis foydasiga gonorar 60 ga 40 nisbatida taqsimlangandagina bo'lib o'tishi mumkin.

"Men yon bermayman, - dedi Oskar ijtimoiy tarmoqlarda elon qilingan videoda. - Bu jangni uyushtirishni siz so'rayapsiz, shuning uchun shartga rozi bo'linglar... Virjilning super janglar uchun ikki yoki uch potencial raqibi bor. Uning variantlari etarli. Dallasdagi stadionda Errol Spensga qarshi jangini tasavvur qiling. Yoki Las-Vegasda Sebastyan Fundora bilan megajang. Ennis ham Ortisning rejalariga kiradi, lekin u keyingisi bo'lishi shart emas".

Eslatib o'tamiz, Ennis va Ortis o'rtasidagi jang haqidagi gap-so'zlar bir necha yil oldin boshlangandi. O'shanda ularning ikkisi ham faqat istiqbolli yarim o'rta vazn toifasi jangchilari edi, ammo keyin bokschilar turli vaznlarga tushib qolgani sababli malum vaqt jim bo'lib qolishdi. Ennis birinchi o'rta vazn toifasidagi debyutini 2025 yil oktyabr oyida muvaffaqiyatli o'tkazdi va uning vakillari darhol Ortis bilan jang bo'yicha muzokaralarni qayta boshladilar.