47 yoshli Luis Ortis ikki haftada ikki raqibini muddatidan avval mag'lub etdi

U ikki hafta ichida ikkita jang o'tkazib, har ikkisida muddatidan avval g'alaba qozondi. Luis 40 yoshli Edvard Millard (2-0, 2KO) ustidan birinchi raundda nokaut zafar quchdi. Ortis jangning dastlabki soniyalaridayoq raqibini nokdaunga uchratdi, biroq u o'rnidan turib, kubalikka deyarli darhol qarzini qaytarishga muvaffaq bo'ldi. Ortis ko'p o'tmay Millardni yana nokdaunga tushirdi (bu safar sezilarli darajada og'irroq) va muvaffaqiyatini rivojlantirib, raqibini nokautga uchratdi. 

Bu Ortis uchun ikki hafta ichida qo'lga kiritilgan ikkinchi g'alaba bo'ldi. Ikkala jang ham Team Boxing League doirasida o'tkazildi va rasman ko'rgazmali maqomga ega bo'ldi.

Team Boxing League Gran-pri formatidagi musobaqalarni o'tkazadi, unda AQSHning turli shaharlaridan 12 ta jamoa ishtirok etadi. Har bir boks oqshomi uch daqiqa davom etadigan 24 ta jangdan iborat. Tashkilotchilarning fikricha, bunday tartib yuqori darajadagi tomoshaboplikni taminlaydi, chunki bokschilar kuchlarini tejashlari shart emas va ular birinchi soniyalardanoq maksimal darajada ishga tushiriladi.