Otabek Umarov o'zbek MMAchilari haqida: Ular tezda muvaffaqiyatga erishib, g'alabalar qozonishiga shubham yo'q

"SHu kunlarda tashkil etilgan O'zbekiston aralash jang sanatlari associaciyasiga rahbarlik qilish masuliyati menga ishonib topshirilgani uchun o'z minnatdorligimni izhor etaman.⠀

Bu tashkilot shu vaqtgacha faqat o'zlari shug'ullanib kelgan, zarur shart-sharoitga ega bo'lmagan sportchilarga yordam berish uchun zarur edi.⠀⠀⠀

Endi sportchilarimiz o'zlarini ko'rsatish uchun katta imkoniyatga ega bo'ladilar. Ularning tezda muvaffaqiyatga erishib, g'alabalar qozonishiga shubham yo'q. Axir bizning zaminimiz polvonlarning bir necha avlodini tarbiyalagan.

O'zbekiston Respublikasi Prezidenti mamlakatimiz barcha sohalarda, xususan, sportda sifat jihatidan yangi bosqichga ko'tarilishi uchun aniq vazifalar belgilab berdi, ayni chog'da uning rivojlanishiga alohida etibor qaratmoqda. CHunki sport shaxs kamolotiga, ruhiy va jismoniy toblanishiga xizmat qiladi va irodasini mustahkamlaydi. Ana shunday beqiyos ko'mak bizni respublikada MMAni rivojlantirishga qaratilgan loyihaga qo'l urishga undadi.⠀⠀

Yoshlarni men bilan birgalikda qo'llab-quvvatlash uchun kelgan sportimiz faxriylariga esa alohida minnatdorchilik bildiraman. Ular o'z yo'nalishida hammamizga o'rnakdir. Komiljon Xudoyberganov, Hamroqul Rafiev, Erkin G'iyosov, Aleksandr Istomin va Azamjon SHokirjonov jahon arenasida yuqori muvaffaqiyatlarga erishib, sportimiz tarixida yorqin iz qoldirishgan. Bu qadrli insonlar Associaciya tashkil etilishini chin dildan qo'llab-quvvatlab, sportchilarga musobaqalarda omad va muvaffiqiyat yor bo'lishini tiladilar. Ularning barcha ezgu tilaklariga sherikman", - deb xabar qoldirdi Otabek Umarov Instagramdagi sahifasida.