“O'zavtosanoat” AK boshqaruv raisi gimnastika federaciyasiga rahbar bo'ldi

Bugun O'zbekiston Milliy Olimpiya qo'mitasida O'zbekiston gimnastika federaciyasining navbatdan tashqari hisobot-saylov konferenciyasi bo'lib o'tdi. 

Unda Yoshlar siyosati va sport vazirining o'rinbosari SHahrullo Mahmudov (onlayn), MOQ Bosh kotibi Oybek Kasimov, Qo'mita raisi o'rinbosari Azizjon Kamilov, Go'zal Mo'minova boshchiligidagi federaciya mutasaddilari, gimnastikaga ixtisoslashtirilgan sport maktablari vakillari ishtirok etishdi.

Tadbirni Oybek Omilovich ochib berar ekan, dastavval konferenciya mohiyati haqida to'xtalib o'tdi. Xususan, federaciyaning avvalgi rahbari boshqa ishga o'tgani munosabati bilan tashkilotga yangi rais saylash konferenciya kun tartibidagi asosiy masala ekanini takidladi.

MOQ Bosh kotibi ushbu lavozimga federaciya bosh homiysi “O'zavtosanoat” AK boshqaruv raisi Ro'ziqulov Ulug'bek Ubaydullaevich nomzodini ilgari surdi. Konferenciya qatnashchilari bir ovozdan ushbu nomzodni qo'llab-quvvatlashdi va U.Ro'ziqulov O'zbekiston gimnastika federaciyasining raisi etib saylandi.

O'z navbatida, Ro'ziqul Ubaydullaevich bildirilgan ishonch uchun minnatdorchilik bildirib, Prezidentimizning “Gimnastika sport turlarini yanada rivojlantirish chora-tadbirlari to'g'risida”gi Qarori ijrosini taminlash, mavjud muammo va masalalarni hal etish, gimnastika rivojini yangi bosqichga olib chiqish yo'lida bor kuch-g'ayratini safarbar qilishini takidladi. 

SHuningdek, u hududlarga etiborni yanada kuchaytirish, viloyatlardagi moddiy-texnik bazani kuchaytirish, sportchilarni har tomonlama rag'batlantirish kabi masalalarga ham to'xtaldi.

Tadbir davomida federaciya raisining birinchi o'rinbosari Go'zal Mo'minova Prezident Qarori bo'yicha federaciya miqyosida amalga oshirilayotgan ishlar yuzasidan hisobot berdi.

SH.Mahmudov federaciya rahbarini yangi lavozimga saylangani bilan tabriklab, unga sportchilarimizning Xanchjou-2022 Osiyo va Parij-2024 Olimpiya o'yinlarida munosib ishtiroklarini taminlash kabi masuliyatli vazifalarni bajarish yo'lida kuch-quvvat tiladi. 

SHuning bilan, federaciyaning navbatdan tashqari hisobot-saylov konferenciyasi o'z ishini yakunladi.