"O'zbek jang sanati" o'quv qo'llanmasi taqdimoti o'tkazildi

16 sentyabr kuni O'zbekiston davlat jismoniy tarbiya va sport universitetida O'zbekistonda xizmat ko'rsatgan ustoz, O'zbek jang Sanati federaciyasi raisi, Xalqaro toifadagi sport ustasi, Butunjahon milliy sportlar federaciyasi (WOMAU) vice-prezidenti Usmonov Po'lat Akramovich muallifligidagi "O'zbek jang sanati" o'quv qo'llanmasi taqdimoti o'tkazildi. 

Ushbu o'quv qo'llanma o'zbek tarixining afsonaviy arboblari qanday qilib ushbu jang sanatining asoslarini qo'yganligini yoritib beradi. Ularga Alp Er To'nga, Jaloliddin Manguberdi, Temur Malik, Amir Temur, Bobur Mirzo kiradi. Bu qahramonlar jang sanatining qadriyatlari va texnikasini shakllantirgan. Natijada jang sanati nafaqat o'zini himoya qilish usuli, balki avlodlarni ilhomlantirib, birlashtirib kelayotgan chuqur madaniy boylikka ham aylandi.

Malumot o'rnida: "O'zbek jang sanati" milliy sport turi - ota-bobolarimizdan qolgan buyuk meros bo'lib, u Temuriylar jang sanatining zamonaviy ko'rinishi hisoblanadi. Bu yangi yakka kurash zamirida “Temuriylar jang usuli”, “qo'l sanati”, “kurash”, “etti tirsak” kabi usullarning eng sara, mukammal harakatlari mujassamlangan. 2009 yildan "O'zbek jang sanati" milliy sport turlari qatoriga kiritildi. 2025-2026-o'quv yilidan boshlab esa O'zbekiston davlat jismoniy tarbiya va sport universitetida "O'zbek jang sanati" bo'yicha o'quv yo'nalishi ochildi.

Mazkur darslik ushbu yo'nalishda talim olayotgan talabalarga "O'zbek jang sanati" asoslarini o'rgatishda asosiy o'quv qo'llanma bo'lishi bilan ham ahamiyatli bo'ldi.