O'zbekiston boks federaciyasi Osiyo chempionati oldidan matbuot anjumani tashkil etdi

Ushbu musobaqada erkaklar o'rtasidagi bahslarda 10 nafar, ayollar o'rtasidagi bellashuvlarda esa 9 nafar bokschimiz sovrinli o'rinlar uchun kurash olib boradi. 

Bugun, 12 aprel kuni ana shu qita birinchiligi oldidan matbuot anjumani tashkil etildi. Unda O'zbekiston Respublikasi Jismoniy tarbiya va sport vazirining birinchi o'rinbosari Oybek Kasimov, O'zbekiston boks federaciyasi raisining birinchi o'rinbosari Saken Polatov, terma jamoamiz murabbiylari, bokschilarimiz va ommaviy axborot vositalari xodimlari ishtirok etishdi. 

Tadbirni Jismoniy tarbiya va sport vazirining birinchi o'rinbosari Kasimov Oybek Omilovich ochib berdi. 

"Sizlarni ushbu matbuot anjumanida ko'rib turganimizdan xursanmiz. Jismoniy tarbiya va sport vazirligi nomidan ushbu anjumanda ishtirok etayotganimdan xursandman. Barchamizga malumki, O'zbekiston boks federaciyasi yaqin-yaqindan yangicha yo'nalishda faoliyatini boshladi. Aminmanki, O'zbekiston bokschilari o'zbek sportining asosiy bo'laklaridan biri hisoblanadi va shu paytgacha erishilgan yuksak natijalarning aksariyati O'zbekiston boks federaciyasi, hususan siz bokschilar tomonidan qayd etilgan natijalardir. SHu munosabat bilan, bizni kutib turgan nufuzli musobaqada bokschilarimizga zafarlar tilab qolamiz. O'ylaymanki, siz tomonidan yuqori qo'yilgan maqsadlar amalga oshadi", - dedi Oybek Kasimov. 

SHundan so'ng O'zbekiston boks federaciyasi raisining birinchi o'rinbosari Saken Polatov so'zga chiqdi. 

"Ushbu matbuot anjumaniga tashrif buyurganingiz uchun rahmat. Ayniqsa, tashkil etilayotgan tadbirimizni ommaviy axborot vositalari orqali yoritib borayotgan jurnalistlarimizga minnatdorchilik bildiraman. Bundan bir necha kun oldin tashkil etilgan "Men boksni tanlayman" shiori ostida o'tkazilgan tadbirimiz Respublika miqyosida tashkil etildi. Bu bizning "boks derjavasi" ekanligimizdan darak berib turibdi", - dedi Saken Polatov.

Boks bo'yicha O'zbekiston erkaklar terma jamoasi bosh murabbiyi Marat Qurbonov ham qita birinchiligiga ko'rilgan tayyorgarlik haqida gapirib o'tdi. 

"Osiyo chempionatiga tayyorgarlik ko'ngildagidek kechdi. Bungacha Bolgariya va Ozarbayjonda o'tkazilgan ikkita xalqaro turnirda ishtirok etib, bokschilarimizning imkoniyatlarini yana bir marotaba sinovdan o'tkazib oldik. 

Terma jamoa musobaqaga tayyor. Uchta o'quv-mashg'ulot yig'ini olib bordik. Birinchi bosqichda jismoniy holatni yaxshilash bo'yicha ish olib borilgan bo'lsa, ikkinchi bosqichda texnik-taktik yo'nalishda ish olib bordik. So'nggi bir hafta ichida esa juftliklar bo'yicha ishladik, sparring janglar tashkil etdik. Endi so'nggi tayyorgarlik Bangkokda bo'ladi. Nasib qilsa, 19 aprel kuni janglarga start beriladi", - dedi Marat Qurbonov.

Ayollar terma jamoasi katta murabbiyi Lochin Qo'chqorov ham musobaqa oldidan o'z fikrlari bilan o'rtoqlashdi. 

"Xabaringiz bor, terma jamoamiz yosh. SHunga qaramay, 2017 yilda Vetnamda o'tkazilgan Osiyo chempionatida ilk marotaba oltin va ikkita bronza medaliga sazovor bo'ldik. Bir necha oy oldin Qozog'istonda o'tkazilgan xalqaro musobaqada ishtirok etdik va qizlarimiz o'sha erda o'z imkoniyatlarini sinovdan o'tkazishdi. U erda Ukraina, Qozog'iston vakillari bilan janglar o'tkazdik. Sportchilarimizda ishtiyoq katta. Musobaqaga O'zbekiston boks federaciyasi bazasida, shuningdek "Yangiobod" o'quv bazasida mashg'ulotlar olib bordik. Bangkokdagi Osiyo chempionatida kamida ikki yil oldingi natijani takrorlamoqchimiz", - dedi Lochin Qo'chqorov. 

SHuningdek, O'zbekiston boks federaciyasi raisining maslahatchisi Malik Babaev ham musobaqaga tayyorgarlik jarayoni, tashkiliy masalalar haqida malumotlar berib o'tdi.

"O'tgan yilning noyabr oyida AIBA Kongressi bo'lib o'tdi. O'sha yig'ilishda 7 nafar hamyurtimiz tashkilot komissiyasi azoligidan joy oldi. So'nggi yillarda qo'yilgan xalqaro hamkorlik aloqalari o'z samarasini bermoqda. Oldinda saralash musobaqalari kutib turibdi. Bizning mamlakatimiz ham nufuzli musobaqalarga mezbonlik qilish istagini bildirgan. SHunisi aniqki, boks Olimpiya o'yinlari dasturida bo'ladi. Yaqinlashib kelayotgan Osiyo chempionati biz muhim musobaqalarga, jumladan Olimpiadaga qay tarzda tayyorgarlik olib borayotganimizni ko'rsatib beradi", - dedi Malik Babaev. 

SHundan so'ng Osiyo chempionatida ishtirok etadigan sportchi va murabbiylar tarkibi tanishtirildi. 

Unga ko'ra, qita birinchiligida terma jamoamiz quyidagi tarkibda ishtirok etadi:

Erkaklar:   

- 49 kg: Nodirjon Mirzahmedov           

- 52 kg: Hasanboy Do'smatov                 

- 56 kg: Mirazizbek Mirzahalilov       

- 60 kg: SHukurjon Rahimov                

- 64 kg: SHunqor Abdurasulov           

- 69 kg: Bobo-Usmon Boturov             

- 75 kg: Isroil Madrimov                     

- 81 kg: Dilshodbek Ro'zmatov                

- 91 kg: Sanjar Tursunov                      

+ 91 kg: Bahodir Jalolov

Bosh murabbiy: Marat Qurbanov.

Ayollar:

- 48 kg: Fotima Tursunboeva

- 51 kg: Farangiz Hoshimova

- 57 kg: Yodgoroy Mirzaeva 

- 60 kg: Rayxona Qodirova

- 64 kg: Maftuna Melieva 

- 69 kg: SHahnoza Yunusova

- 75 kg: Mavluda Mavlonova 

- 81 kg: Ezoza Melieva 

Murabbiy:  Lochin Qo'chqorov

SHundan so'ng ommaviy axborot vositalari xodimlari o'zlarini qiziqtirgan savollar bilan murojaat qilishdi. 

O'zbekiston boks federaciyasi matbuot xizmati