O'zbekiston chempionatida eng kuchli pauerliftingchilar aniqlandi FOTOGALEREYA

Uch kun davom etgan bahslarda yoshlar klasik, kattalar epikirovka yo'nalishlarida o'z mahoratlarini sinovdan o'tkazishdi. O'zbekiston pauerlifting federaciyasi raisi Islom Islomovning malum qilishicha chempionatda 121 nafar sportchi ishtirok etdi. 

Ular mos ravishda Angren, Olmaliq, CHirchiq, Zarafshon, Uchquduq, Toshkent, Buxoro, Nukus va Namangan jamoalari sharafini himoya qildilar. Qizg'in bellashuvlar yakunida g'oliblar nomi aniqlandi. Evgeniy Kapralov, Metin Gafurov, Nadejda Malyugina o'z yo'nalishlarida chempionlik shohsupasiga ko'tarildi. Ularga medal, diplom va qimmatbaho sovg'alar topshirildi.

Pauerlifting bu kuch sporti bo'lib, uning mohiyati sportchi uchun nihoyatda og'ir bo'lgan og'irlikning qarshiligini engishdan iborat. Pauerlifting og'ir atletikachilarning asosiy harakatlarda samaradorlikni oshirish uchun ishlatadigan mashqlaridan kelib chiqqan bo'lib o'tgan asrning 40-50 yillarida G'arbda mashhurlikka erishdi. 

XX asrning 50-60 yillarida esa zamonaviy shaklda pauerlifting shakllana boshladi. O'tgan asrning 60-yillari o'rtalariga kelib musobaqa qoidalari belgilanib, milliy darajadagi chempionatlar muntazam o'tkazila boshlandi.

1972 yil noyabr oyida Xalqaro pauerlifting federaciyasi tashkil etildi. U Xalqaro paramiya qo'mitasi va dunyo antidoping agentliklarining azosi hisoblanadi. 2000 yildan boshlab Xalqaro paralimpiya o'yinlarida pauerlifting bo'yicha ham rasmiy bahslar o'tkazib kelinadi.

Mazkur sport yurtimizda ham yildan yilga ommalashib bormoqda. O'zbekiston pauerlifting federaciyasi tomonidan muntazam milliy chempionatlar, nufuzli turnirlar tashkil etilmoqda. Xalqaro musobaqalarda o'zbekistonlik sportchilar yurtimiz sharafini munosib himoya qilib kelishmoqda.