O'zbekiston MOQ qilichbozlik sporti murabbiylari uchun seminar o'tkazadi

Mazkur seminar Xalqaro olimpiya qo'mitasi (XOQ)ning “Olimpiya birdamligi” dasturi asosida o'tkaziladi.

Seminarni olib borish uchun Rossiya Federaciyasi va SHveciyalik xalqaro ekspertlar Aleksandr Mashin va Igor CHikinyovlar taklif etilishgan. Seminar dasturi zamonaviy bosqichda yuqori toifadagi sportchilarni tayyorlash masalasida nazariy mashg'ulotlar bilan birgalikda, qilichbozlik sportining shpaga va sablya yo'nalishlarida texnik va taktik tayyorgarlik, shuningdek, murabbiylarning professional malakasini xalqaro talablar darajasida oshirish masalalarini ham qamrab oladi.

A. Mashin va I. CHikinyov boshchiligida tashkil etilayotgan seminar davomida murabbiylar shuningdek, sportchilarni musobaqalarga ruhiy jihatdan tayyorlash nazariyasi, hujum va himoyadagi faol harakatlar, sportchini ruhlantirish kabi masalalarda yangi ko'nikmalarga ega bo'lish, shu bilan birgalikda nazariy bilim va darajalarini oshirish imkoniga ega bo'lishadi.

Seminarga taklif etilgan har ikkala ekspertlar ham o'z kasbining mohir ustalari sanalishadi. Jumladan Igor CHikinyov bevosita murabbiylik qilgan estoniyalik Nikolay Novosyolov shpaga bo'yicha 2010 hamda 2013 yillarda yakkalik bahslarida jahon chempionliliga erishgan, Evropa chempionatining uch karra sovrindori bo'lgan. Aleksandr Mashin esa sablya yo'nalishida dunyoning eng kuchli maktablaridan sanalgan Novosibirsk shahri qilichbozlik maktabida ishlab kelmoqda va faoliyati davomida bir necha xalqaro toifadagi shogirdlar etishtirgani bilan mashhur.  
 
Respublikamizning turli hududlari va poytaxtimiz Toshkentdan 55 nafar murabbiy mazkur seminarda ishtirok etadi. Seminar qatnashchilarining har biri metodik qo'llanmalar bilan taminlanadi.

Seminarning tantanali yopilish marosimi 2017 yilning 12 dekabr kuni O'zbekiston Milliy olimpiya qo'mitasi binosida bo'lib o'tadi. Unda seminarning faol tinglovchilariga Xalqaro olimpiya qo'mitasi Prezidenti Tomas Baxning imzosi bilan maxsus Sertifikatlar topshiriladi.
Mazkur seminarning o'tkazilishi mamlakatimizda qilichbozlik sportining jadal suratlar bilan rivojlanishida muhim ahamiyat kasb etadi. Seminar davomida orttirilgan tajriba va ko'nikmalar esa murabbiylarga iqtidorli sportchilarni tarbiyalash, terma jamoalarimizga munosib nomzodlarni tayyorlashda muhim ahamiyat kasb etadi.   

Malumot uchun, Milliy olimpiya qo'mitasi 1997 yildan beri sport kadrlari malakasini oshirish yo'lida shu kabi seminarlarni o'tkazib kelmoqda. Ortda qolgan davr mobaynida MOQ Xalqaro olimpiya qo'mitasi yordamida badiiy va sport gimnastikasi, qilichbozlik, basketbol, sport kurashlari, taekvondo, dzyudo, engil atletika, suzish, voleybol, ot sporti, figurali uchish, o'q otish va boshqa sport turlari mutaxassislari uchun  40 dan ziyod o'quv kurslari tashkil etdi.   


O'zbekiston Milliy olimpiya qo'mitasi matbuot xizmati