​O'zbekiston MTJ Qozog'istonga qarshi o'rtoqlik o'yini o'tkazishi mumkin

Manbaning malum qilishicha, QFF O'zbekiston milliy terma jamoasi bilan o'rtoqlik o'yini tashkil etish bo'yicha samarali muzokaralar olib bormoqda.

O'yin noyabr oyidagi xalqaro tanaffus davrida o'tkazilishi rejalashtirilmoqda. Qozog'iston terma jamoasi JCH-2026 saralashining so'nggi o'yinini 15 noyabr kuni Belgiyaga qarshi o'tkazishi kerak, shundan so'ng jamoada bo'sh sana paydo bo'ladi va aynan shu paytda O'zbekiston bilan o'yin tashkil qilinishi ehtimoli mavjud.  

Qozog'iston va O'zbekiston milliy terma jamoalari so'nggi bor 2022 yil 16 noyabr kuni Toshkentda uchrashgandi. O'shanda O'zbekiston 2:0 hisobida g'alaba qozongan.

Takidlash joizki, O'zbekiston terma jamoasi ilk bor jahon chempionati final bosqichiga chiqishga yaqin. O'zbekiston 17 ochko bilan mundialga to'g'ridan-to'g'ri yo'llanma beruvchi turnir jadvalining ikkinchi pog'onasini egallab turibdi. Saralash bosqichi yakuniga qadar O'zbekiston ikkita o'yinda maydonga tushadi – BAAga qarshi safarda (5 iyun) va Qatarga qarshi uyda (10 iyun).

Avvalroq Qozog'iston terma jamoasining vaqtinchalik bosh murabbiyi Ali Aliev, agar Qozog'iston Osiyo futbol konfederaciyasida bo'lganida, O'zbekiston singari JCH final bosqichiga yo'l olgan bo'lardi, deb aytgan edi.