O'zbekiston qilichbozlik bo'yicha kattalar o'rtasidagi jahon chempionatiga mezbonlik qilishi mumkin

Lozannada Xalqaro qilichbozlik federaciyasining navbatdagi Kongressi ish boshladi

SHveycariyaning Lozanna shahrida Xalqaro qilichbozlik federaciyasining navbatdagi Kongressi boshlandi. Unda MOQ va O'zbekiston qilichbozlik federaciyasi raisi Rustam SHoabdurahmonov, O'zbekiston qilichbozlik federaciyasi bosh kotibi Gulnora Saidova ham ishtirok etmoqda.

Tadbirda martabali mehmon sifatida Xalqaro Olimpiya qo'mitasi prezidenti Tomas Baxning qatnashayotgani uning ahamiyati yuqori ekanidan dalolat bermoqda.

Kongress kun tartibidan o'rin olgan asosiy masala yangi davr uchun xalqaro federaciya boshqaruviga yangi rahbar saylash bo'ladi. Takidlash joiz, bu o'ringa tashkilotning amaldagi prezidenti Alisher Usmonov asosiy davogar bo'lib turibdi.

SHuningdek, tadbir davomida yaqin davr uchun qilichbozlik bo'yicha o'tkaziladigan yirik musobaqalarga mezbonlar aniqlanadi. Biz uchun ahamiyatlisi, Toshkent 2023-yil kattalar o'rtasidagi dunyo birinchiligini o'tkazish bo'yicha o'z nomzodini ilgari surgan. Bu borada BAAning Dubay hamda Italiyaning Milan shaharlari raqobatchi sanaladi.