O'zbekiston qilichbozlik federaciyasining navbatdan tashqari Konferenciyasi o'tkazildi

Majlisda O'zbekiston Milliy Olimpiya qo'mitasi Bosh kotibi Kasimov Oybek Omilovich, O'zbekiston Respublikasi Jismoniy tarbiya va sport davlat qo'mitasining birinchi rais o'rinbosari Djuraev Iskandar Tuxtamurodovich, O'zbekiston qilichbozlik federaciyasi raisi SHaabduraxmanov Rustam Mavzurovich, federaciya Bosh kotibi Ibragimov Xumoyun Dilmurodovich shuningdek Milliy Olimpiya qo'mitasining mutassadi vakillari, Qilichbozlik federaciyasining viloyat bo'limlari raxbar xodimlari, trenerlari hamda federaciyaning hodimlari ishtirok etdilar.   

Ushbu konferenciyada federaciyani rivojlantirishga taluqli qator masalalar ko'rib chiqildi.

Federaciyaning viloyat bo'limlariga borib tekshiruvlar o'tkazilgani, hozirgi kunda ularni kerakli miqdorda sport inventar jixozlari bilan taminlangani shu bilan birga federaciyaning viloyat bo'limlarini rivojlantirish bo'yicha takliflar to'g'risida majlis ishtirokchilariga malumotlar berib o'tildi.

Federaciya ustavinining yangi taxririni tasdiqlash, federaciyaga yangi rais o'rinbosari tayinlash, federaciyaning Ijro qo'mita azolari tarkibini saylash, 2018 yilda o'tkaziladigan Osiyo va Olimpiya o'yinlariga sportchilarni tayyorlash,  federaciyaning yangi strukturasini tasdiqlash, federaciyaning viloyat bo'limlarini rivojlantirish va boshqa masalalar shular jumlasidan.

O'zbekiston qilichbozlik federaciyasining rais o'rinbosari etib, 1974 yil Toshkent shahrida tug'ilgan federaciyaning Toshkent shahri Bosh kotibi lavozimida ishlagan  Mirjalilov Mirafzal Amonovich tayinlandi.

Federaciyada yangi bo'limlar tashkil etildi. Federaciya ustavining yangi taxririni majlis ishtirokchilari tasdiqlab, hozirgi kunda O'zbekiston Adliya Vazirligi tomonidan tasdiqlanishi uchun tayyorlanmoqda.