"O'zbekiston so'nggi bir necha yil ichida futbolni rivojlantirish bo'yicha barchaga namuna bo'lmoqda" - Janni Infantino

Unda FIFA prezidenti Janni Infantino so'zga chiqib, O'zbekistonda futbol taraqqiy etib borayotgani, yurtimiz mezbonligidagi futzal bo'yicha 2024 yilgi Jahon chempionati ham yuqori saviyada o'tishiga ishonch bildirdi.

"Bugun ushbu tadbirda ishtirok etish men uchun katta sharaf. Anjumanni tashkil qilgani va Osiyoning barcha mamlakatlaridagi associaciyalar prezidentlari va bosh kotiblarini birlashtirgani uchun OFK prezidenti SHayx Salmon va uning jamoasidan minnatdorman. Bunday anjumanlar barchamizni birgalikda ishlashga undaydi.

O'zbekiston so'nggi bir necha yil ichida futbolni rivojlantirish bo'yicha barchaga namuna bo'lmoqda. Men joriy yilning may oyida bu erga kelganimda mamlakatda futbolga berilayotgan etibor va erishilayotgan yutuqlarga guvoh bo'ldim. Buning uchun O'zbekiston Prezidentiga o'z minnatdorchiligimni bildirmoqchiman. Ikki hafta avval ham Nyu-Yorkda o'tgan Birlashgan Millatlar Tashkiloti haftaligida janob SHavkat Mirziyoev bilan uchrashish sharafiga muyassar bo'ldim. 

Bilasiz, kelasi yili futzal bo'yicha Jahon chempionati O'zbekistonda o'tkaziladi. SHuni ishontirib aytamanki, bu FIFA tarixidagi eng yaxshi futzal Jahon chempionati bo'ladi", – dedi FIFA rahbari.

Avvalroq O'zbekistonda OFKga azo associaciyalar prezidentlari va bosh kotiblarining konferenciyasi o'tkazilayotgani va unda Janni Infantino ham qatnashayotgani haqida xabar bergan edik.