O'zbekiston sporti rahbarlari XOQ Prezidenti bilan uchrashishdi (FOTO)

Singapurda o'tayotgan suv sporti turlari bo'yicha Jahon chempionati doirasida O'zbekiston sporti rasmiylari Xalqaro Olimpiya qo'mitasi Prezidenti Kirsti Koventri hamda Olimpiya birdamligi dasturi direktori, XOQning Milliy Olimpiya qo'mitalari bilan ishlash departamenti rahbari Jeyms Makleod bilan uchrashuv o'tkazishdi.

Uchrashuvda Sport vaziri Adham Ikramov, O'zbekiston Milliy Olimpiya qo'mitasi raisining birinchi o'rinbosari, Osiyo Olimpiya kengashi (OOK) vice-prezidenti Otabek Umarov hamda Milliy Paralimpiya qo'mitasi raisining birinchi o'rinbosari, Ijtimoiy himoya Milliy agentligi direktorining birinchi o'rinbosari SHahnoza Mirziyoeva, MOQ Bosh kotibi Oybek Kasimov XOQ rahbari bilan suhbatlashishdi.

Dastavval Koventri xonimga O'zbekiston Respublikasi Prezidenti va Milliy Olimpiya qo'mitasining raisi SHavkat Mirziyoevning samimiy salomi va tabriklari etkazildi. SHuningdek, rasmiylar unga masuliyatli faoliyatida kuch-g'ayrat va omad tilashdi. 

SHuningdek, Koventri xonim SHahnoza Mirziyoevani Butunjahon suzish federaciyasi Ijroiya qo'mitasi byurosining tarkibiga kirgani bilan qutladi. Sobiq suzuvchi sifatida ushbu masuliyatli lavozimning ahamiyati haqida gapirib, o'zining qimmatli maslahatlarini berdi.

Mamlakatimizda Olimpiya harakatini rivojlantirish sohasida erishilgan natijalar va hozirgi holat bilan yaqindan tanishish, shuningdek, ushbu yo'nalishda kelgusidagi hamkorlik istiqbollarini muhokama qilish maqsadida, Koventri xonim o'ziga qulay vaqtda O'zbekistonga tashrif buyurishga taklif etildi.