O'zbekistonda boks bo'yicha FLASHMOB: Toshkent shahridagi festival qanday o'tdi?

 Yosh avlodni boksga qiziqtirishda sport yulduzlari bilan uchrashuvlar, ommaviy tadbirlarning ahamiyati katta. Bugun, 30 mart kuni Respublikamiz bo'ylab, boks bo'yicha katta FLASHMOB (Ochiq mashg'ulotlar festivali) bo'lib o'tdi. Tadbirning Toshkent shahridagi qismi "EcoPark"da tashkil etildi. Soat 12:00da boshlangan tadbirda O'zbekiston boks federaciyasi mutasaddilari, o'zbek boksi yulduzlari, yosh bokschilar, estrada yulduzlari, ommaviy axborot vositalari xodimlari va muxlislar ishtirok etishdi. 

Tadbir davomida so'zga chiqqan O'zbekiston boks federaciyasi raisining birinchi o'rinbosari Saken Polatov yosh avlodni sportga qiziqtirishda bunday tadbirlarning ahamiyati katta ekanligini, ana shunday qiziqish ortidan bo'lajak Osiyo, jahon va Olimpiya o'yinlari chempionlari etishib chiqishini takidlab o'tdi. SHuningdek, mamlakatimiz rahbari SHavkat Miromonovich Mirziyoev va hukumatning sportga, hususan boksga ko'rsatayotgan etibori samarasi o'laroq, o'zbekistonlik bokschilar ham xalqaro arenalarda munosib yutuqlarni qo'lga kiritayotgani ham S.Polatov tomonidan aytib o'tildi. 

Bundan tashqari, tadbirda qatnashgan Rufat Risqiev, Muhammadqodir Abdullaev, SHahobiddin Zoirov va xorijiy boks yulduzlari Mixail Yurchenko va Andrey Kurnyavka o'zlarining eng samimiy tilaklarini bildirib o'tishdi. 

SHundan so'ng, tadbirning asosiy qismi - Ochiq mashg'ulotlar festivali boshlandi. Uni Olimpiya o'yinlari va jahon chempionati sovrindori Rustam Saidov olib bordi.

O'zbek estradasi yulduzlari Jahongir Poziljonov, SHahzoda, Nilufar Usmonova, Jasur Umirov kabi xonandalarning chiqishi ushbu boks bayramiga yanada ko'tarinki kayfiyat bag'ishladi. 

Tadbir davomida yosh sportchilar boksimiz yulduzlari bilan birga suratga tushib, ulardan dastxat olish imkoniyatiga ham ega bo'lishdi. 

O'zbekiston boks federaciyasi matbuot xizmati

Tadbirdan olingan suratlarni tomosha qiling