O'zbekistonlik bilyardchilar jahon chempionatida ishtirok etyapti

Dunyoning eng kuchli bilyard jamoalari qatorida yurtimiz vakillari ham g'oliblik uchun kurash olib bormoqda.

– Jamoliddin Qo'chqorov va Nurbek Salomovdan iborat juftlik ilk saralashda Hindiston jamoasini 6:0 hisobida mag'lub etdi. SHundan keyin Rossiya-9 jamoasi bilan kuch sinashdik. Hamyurtlarimiz 6:4 hisobida zafar quchib, 1/16 final bosqichiga yo'l olishdi, – deydi O'zbekiston bilyard federaciyasi raisi O'tkir Komilov. 

Jahon chempionatining 1/16 final bosqichida hamyurtlarimiz Turkmaniston vakillari bilan ro'baro' keldi. SHiddatli va o'ziga xos kechgan o'yinda terma jamoamiz azolari turkmanistonlik bilyardchilarni 7:6 hisobida dog'da qoldirishdi. 

Bugun jahon chempionatining 1/8 final bosqichida hamyurtlarimiz Rossiya jamoasi bilan bahs olib borishadi.