O'zbekistonlik hakam – Jahon arenalarida adolat va mohirlik timsoli!

Dunyoning eng kuchli rapira, sablya va shpaga ustalari bilan bir qatorda, O'zbekiston Milliy terma jamoasi azolari ham ushbu yirik musobaqada munosib ishtirok etmoqda.

Aytish joizki, ushbu nufuzli chempionatda yurtimiz faxri – xalqaro toifadagi hakam Dilorom Turdikulova eng hal qiluvchi final janglariga “Top referilar” tarkibida hakamlik qilmoqda. Bu – nafaqat yuksak ishonch, balki O'zbekiston sport hakamchiligining xalqaro etirof etilganining yaqqol ifodasidir.

Sportda adolat – muvaffaqiyatning yuragi

O'zbekiston – halollik va mahorat bilan tanilgan yurtdir. Dilorom Turdikulova nafaqat jahon chempionatida, balki bundan avval Balidagi Osiyo chempionati, qator Jahon kubogi bellashuvlari hamda Gran-Pri musobaqalarida ham o'zining xolisligi, professionalligi va fidoyiligi bilan alohida ajralib turadi.

Aynan shunday masuliyatli faoliyati evaziga u Parij-2024 Olimpiadasida Osiyo qitasidan saralangan ayol hakam sifatida ishtirok etish sharafiga muyassar bo'ldi.

Bu — bir insonning mehnati orqasida qanday cho'qqilar zabt etilishini yaqqol isbotidir. Dilorom Turdikulovaning xalqaro sport maydonidagi ishonchli, halol va ilhomlantiruvchi faoliyati, ayniqsa uning o'zbekona qadriyatlarga amal qilib, qo'llari ko'ksida, avvalo tazim qilib chiqishlari nafaqat sportchilarimiz, balki yosh avlod, ayniqsa ayol-qizlar uchun ham namunadir.