O'zbekistonlik tennischilar Roland Garros Junior Series yarim finalida: Zinatulin va Abdullaev asosiy musobaqa yo'llanmasi uchun kurashni davom ettirmoqda

CHorak final o'yinlari yakuniga ko'ra, o'zbekistonlik ikki tennischi Alan Zinatulin va Akmal Abdullaev yarim finalga chiqishdi.

O'g'il bolalar:

•  Alan Zinatulin Rodion Traygelga (Qozog'iston) qarshi o'yinda ishonchli g'alabaga erishdi — 6:3, 6:3. U keyingi bosqichda Mansur Sainov (Qozog'iston) bilan bahslashadi.

•  Akmal Abdullaev esa o'zbekistonlik boshqa bir raketka ustasi Mahmudbek Beknazarovni engdi — 3:6, 6:2, 6:0. U final yo'llanmasi uchun Ansar Nietkaliev (Qozog'iston) bilan raqobatlashadi.

Qizlar:

Ayollar o'rtasidagi bahslarda O'zbekiston sharafini Keyra Kim himoya qildi va chorak finalga qadar etib borib, qozog'istonlik Adiya Omarbekka imkoniyatni boy berdi — 2:6, 4:6. O'smirlar tennisining yangi yulduzi endi beshinchi o'rin uchun kurashni davom ettiradi.

Saralash bosqichining final o'yinlari 9 avgust kuni bo'lib o'tadi. Turnir g'oliblari 2025 yil oktyabr oyida Yaponiyada bo'lib o'tadigan Roland Garros Junior Series final bosqichiga yo'l oladi. U erdagi g'oliblar esa Parijga – Roland Garros Junior Series 2026 musobaqasiga yo'llanma oladi.