O'zDJTSU talabalari og'ir atletika bo'yicha Turkiya, Slovakiya va Qirg'iziston sportchilariga master-klass ko'rsatishdi

O'zbekistondan Osiyo, jahon va Olimpiya o'yinlari chempionlari etishib chiqmoqda. Xorijiy mamlakat og'ir atletikachilari bizning polvonlar bilan hamkorlikda mashg'ulot olib borish, o'zaro tajriba almashish uchun yurtimizga kelishmoqda. Ayni kunlarda Turkiya, Slovakiya va Qirg'iziston terma jamoasi azolari yurtimizda o'quv-mashg'ulot yig'inlarini o'tkazishmoqda. 

Ushbu yig'in doirasida, bugun O'zbekiston davlat jismoniy tarbiya va sport universitetida Turkiya, Slovakiya va Qirg'iziston terma jamoasi azolari hamda universitet sport klubi azolari, og'ir atletika terma jamoasi azosi hisoblangan talabalar ishtirokida ilmiy o'quv seminar va mastr-klass tashkil etildi.

Tashkil etilgan tadbirda O'zbekiston og'ir atletika federaciyasi vakillari, universitetning professor - o'qituvchilari va talabalar, Turkiya, Slovakiya va Qirg'iziston terma jamoasi azolari hamda murabbiylari ishtirok etishdi. 

Tadbir davomida universitetning og'ir atletika zalida O'zbekiston, Turkiya, Slovakiya va Qirg'iziston sportchilari o'rtasida master-klass ko'rinishidagi o'rtoqlik bahslari tashkil qilindi. Unda atletlar o'z mahoratlarini namoyish etib, tajriba almashish imkoniyatiga ega bo'ldilar.

O'zDJTSU matbuot xizmati