Pakyao birinchi kamarini olganda sport qanday holatda edi?

"Pak man" birinchi kamarini XX asrda, 1998 yili qo'lga kiritgan.

19 yoshida dastlabki kamar

Menni 1995 yil, 16 yoshida professional boksdagi faoliyatini boshlagan. Pakyao uch yil davomida Filippinda janglarini o'tkazadi, faqatgina 1998 yilning mayida birinchi marta Tokioda SHin Teraoga qarshi safar jangida ringga ko'tarilib, raqibini uch daqiqa ichida mag'lub etishni uddalaydi. Uch yillik faoliyati davomida Menni 23-1 natijasi bilan birinchi marta chempionlik jangida ishtirok etish huquqiga ega bo'ladi. Flippinlik bokschining dastlabki chempionlik jangi 28 yoshli CHatchay Sasakulga qarshi bo'ladi. Bahsning sakkizinchi raundida CHatchay dahshatli zarbani o'tkazib yuboradi. SHu tariqa, Menni Pakyao 19 yoshida dastlabki chempionlik kamariga ega chiqadi.

Menni Pakyao birinchi chempionlik kamarini qo'lga kiritganda...

-Super og'ir vazn toifasida WBC chempioni Lennoks Lyuis, WBA, IBF chempioni Evander Xolifild, WBO chempioni Xerbi Xayd hisoblanardi.

-Aleksandr Povetkin hali professional faoliyatini boshlamagan, kik-boksing bilan shug'ullanar edi.

-Floyd Meyvezerning natijasi 19-0 ni tashkil etardi, unga WBC kamari tegishli bo'lgan.

-Fedor Emelyanenko hali MMAdagi faoliyatini boshlamagandi.

-Xabib Nurmagomedov endigina o'n yoshda hamda sambo bilan shug'ullanayotgan edi.

-Nagano mezbonlik qilgan qishki olimpiadada umumiy natijada Norvegiya etakchi bo'lgan.

-Franciya terma jamoasi futbol bo'yicha jahon chempioni bo'lgan. Kilian Mbappe esa ikki haftadan so'ng tug'ilgan.

-ATP reytingida Lindsey Devenport etakchi edi.

-FIFA o'yinining muqovasida Dennis Bergkamp edi.