Paola Pliego: O'zbekiston sharafini himoya qilishni sabrsizlik bilan kutyapman

"OAVda men haqida ko'plab yolg'on xabarlar tarqalmoqda. U erda men aytmagan, xech qaerda yozmagan so'zlarim aytilmoqda. Akkauntlarimga hujum qilishdi va odamlar menga aloqasi bo'lmagan narsalar haqida gapirishmoqda. To'g'ri, men O'zbekiston sharafini himoya qilishdan faxrlanaman. Bu ajoyib mamlakat. Men Meksikada tug'ilganman va u erni juda sevaman, u er haqida yomon gap gapirmayman. Men tug'ilgan joyim bilan g'ururlanaman. Ammo, endi men xalqaro musobaqalarda O'zbekistonni himoya qilaman. SHuning uchun, singlim Fernanda va onam, ajoyib sportchi va murabbiy Xolda ham O'zbekistonda ekanliklaridan faxrlanadilar. 

Men sportchiman va sport bilan shug'ullanaman. Men ommaviy axborot vositalari diqqat markazida bo'lishni istamayman. Bu borada faqatgina erishgan natijalarim orqali etiborga tushishni istayman. Nomimni sportdan tashqari siyosat yoki boshqa biror bir mavzuda ishlatishlarini istamayman.

O'zbekiston sharafini himoya qilishni sabrsizlik bilan kutyapman. Mening asosiy tilagim - men bilan faxrlanishingizni istayman. 

Hurmat bilan Paola", - deya sportchining so'zlaridan iqtibos keltirmoqda O'zbekiston qilichbozlik federaciyasi matbuot xizmati.