Para-pauerliftingchilarimiz licenzion musobaqaga tayyorgarlik ko'rishyapti

Jumladan, fevral-mart oylarida ushbu sport turi bo'yicha Tailandda licenzion ochko beruvchi musobaqada o'tkazilishi belgilab qo'yilgan edi. Biroq musobaqa nomalum muddatga qoldirildi.

SHundan bo'lsa-da, terma jamoamiz vakillari o'zlarining yuqori sport formasini ushlab turishibdi. Ayni paytda sportchilarimiz Toshkent shahrida o'quv-mashg'ulot yig'inini olib borishmoqda. Yig'inda Paralimpiya o'yinlari yo'llanmasiga asosiy davogarlik qilayotgan 4 nafar sportchimiz jalb qilingan.

“Hozirda O'zbekiston engil atletika federaciyasining bazasida yig'in olib bormoqdamiz. Ushbu yig'inimiz kelasi oy bo'lib o'tadigan licenzion musobaqaga tayyorgarlikning asosiy bosqichi vazifasini o'tab beradi. Unda yo'llanmaga asosiy davogar bo'lgan 4 nafar sportchini jalb qilganmiz. Mashg'ulotlar uchun barcha sharoitlar yaratib berilgan buning uchun hukumatimizga rahmat deb qolamiz”, – dedi terma jamoa murabbiyi Fazliddin Umrzoqov.

Eslatib o'tamiz, ushbu sport turi bo'yicha licenzion musobaqa 13-22 aprel kunlari BAAning Dubay shahrida bo'lib o'tishi belgilab qo'yilgan.