Paralimpiya. 30ta medal bilan umumjamoa hisobida 16-o'rindamiz!

Xabar berganimizdek, shu kuni suzish va engil atletika sport turlaridagi terma jamoamiz azolari shoxsupadan joy ola bilishmadi. Ayni paytga kelib, O'zbekiston Paralimpiya terma jamoasi hisobida 7ta oltin, 6ta kumush, 17ta bronza, jami 30ta medal bor. Ushbu natijasi evaziga terma jamoamiz umumjamoa hisobida 12-o'rindan 16-pog'onaga pastladi.

Bizdan avvalgi o'rinda borayotgan Polsha, Kanada, Eron va Ispaniya terma jamoalari hisobida ham 7tadan oltin medal bor. To'qson to'rtta oltin, 74ta kumush, 49ta bronza, jami 217ta medal jamg'argan Xitoy terma jamoasi hamon katta farq bilan peshqadamlikni davom ettirmoqda.

Ikkinchi pog'onadagi Buyuk Britaniya Paralimpiya terma jamoasi hisobida jami 126ta medal bor. SHulardan 58tasi oltin, 33tasi kumush, 35tasi bronza medalidir. Kuchli uchlikka Ukraina terma jamoasi 38ta oltin, 33ta kumush, 35ta bronza medali bilan yakun yasagan.