Paralimpiya. 30ta medalga ega jamoamiz bir pog'ona pastladi

SHu kuni terma jamoamiz azolaridan faqat bir nafari bahslarda ishtirok etdi. Lekin bugun medal bo'lmadi. Ayni paytga kelib, O'zbekiston Paralimpiya terma jamoasi hisobida 7ta oltin, 6ta kumush, 17ta bronza, jami 30ta medal bor. Ushbu natijasi evaziga terma jamoamiz umumjamoa hisobida 12-o'rindan 13-pog'onaga pastladi.

Bizdan avvalgi o'rinda borayotgan Kanada terma jamoasida ham 7ta oltin medal bor. Sakson to'rtta oltin, 66ta kumush, 41ta bronza, jami 191ta medal jamg'argan Xitoy terma jamoasi hamon katta farq bilan peshqadamlikni davom ettirmoqda.

Ikkinchi pog'onadagi Buyuk Britaniya Paralimpiya terma jamoasi hisobida jami 108ta medal bor. SHulardan 49tasi oltin, 28tasi kumush, 31tasi bronza medalidir. Kuchli uchlikka Ukraina terma jamoasi 35ta oltin, 27ta kumush, 30ta bronza medali bilan yakun yasagan.