29 jan 10:41
Yangiliklar

Boks/MMA

Parker Tayson Fyuri bilan sparring qilishdan bosh tortdi

Professional boksning superog'ir vazn toifasida WBO yo'nalishi chempioni Jozef Parker sobiq jahon chempioni Tayson Fyurining so'roviga rad javobini berdi.

Britaniyalik bokschi Parkerga birgalikda sparring mashg'ulotlarini o'tkazishni taklif qilgandi. Jozef ayni paytda Entoni Joshuaga qarshi o'tkaziladigan birlashtiruvchi chempionlik jangiga tayyorgarlik ko'ryapti.

“Fyuri - yaxshi inson, lekin unga hurmatimni saqlagan holda shuni aytishim kerakki, uning jang olib borish uslubi menikiga to'g'ri kelmaydi. Men doimiy ravishda hujumga boradigan bokschilar bilan mashg'ulot o'tkazishni afzal bilaman”, - dedi Parker.

Eslatib o'tamiz, WBA, IBO va IBF yo'nalishlari chempioni Entoni Joshua hamda WBO chempionlik kamari sohibi Jozef Parker o'rtasidagi birlashtiruvchi chempionlik jangi 31 mart kuni Uels poytazti Kardiff shahridagi “Millenium” stadionida bo'lib o'tadi.