15 okt 19:56
Yangiliklar
Tennis
Paula Badosada kutilmagan mag'lubiyat
Dunyoning to'rtinchi raketkasi Paula Badosa San-Diego turnirining 1/4 finalida mag'lubiyat alamini totib ko'rdi.
Ispaniyalik tennis malikasi 1 soatu 57 daqiqa davom etgan bahsda WTA reytingida 19-pog'onadan joy olgan amerikalik Daniel Kollinzga 6/7(5), 4/6 hisobida yutqazib qo'ydi. Bu tennischilarning o'zaro o'tkazgan ilk uchrashuvi edi.
Badosa bahs davomida 6, Kollinz esa 4 ta eys zarbasini ijro etgan. Danielda qo'shxatolar 10 tani tashkil etgan bo'lsa-da, bu uning g'alabasiga soya solmagan. Uning final chiptasi uchun kechadigan uchrashuvdagi raqibasi xorvatiyalik Donna Vekich bo'ladi.
Havola :
Manba : gotennis
Fikrlar