08 fev 19:44
Yangiliklar
Olimpiya o'yinlari
Pekin-2022. CHang'i poygasi. Yoxannes Klebo to'rt karra Olimpiada chempioni!
Xitoyda bo'lib o'tayotgan XXIV qishki Olimpiya o'yinlarida chang'i poygasining sprint bahslari erkin dasturi bo'yicha bellashuv yakunlandi.
Unda norvegiyalik Yoxannes Klebo g'alaba qozondi. 25 yoshli sportchi faoliyatida to'rtinchi bor Olimpiada chempionligini tantana qilmoqda. U Pxyonchxan Olimpiadasida 3 ta yo'nalishda oltin medalni qo'lga kiritgan. Ikkinchi o'rinni italiyalik Federiko Pellegrino egallagan bo'lsa, uchinchi o'rin rossiyalik Aleksandr Terentevga nasib etdi.
Federiko Pellegrino uchun bugungi kumush medal faoliyatidagi ikkinchisi bo'ldi. U 2018 yilgi Pxyonchxan Olimpiadasida ham shohsupaning ikkinchi o'rnidan joy olgan edi. Rossiyalik Aleksandr Terentev esa ilk bor Olimpiada medalini qo'lga kiritdi.
CHang'i poygasi. Sprint, erkin dastur
1. Yoxannes Klebo (Norvegiya) – 2.58,06
2. Federiko Pellegrino (Italiya) – 0,26
3. Aleksandr Terentev (Rossiya) – 1,31
Havola :
Manba : olamsport.com
Fikrlar