Peru Gran-prisida 8 ta medal qo'lga kiritgan og'ir atletikachilarimiz tantanali kutib olindi

Ushbu musobaqada Xalqaro og'ir atletika federaciyasining maxsus taklifnomasi asosida dunyoning eng sara atletlari bahs olib bordilar. Turnir davomida 3 nafar sportchimiz: Adhamjon Ergashev (-67 kg), Muattar Nabieva (-55 kg) va Doston Yoqubov (-73 kg) mamlakatimiz sharafini himoya qilib, jami 1 ta oltin, 3 ta kumush va 4 ta bronza medallarini qo'lga kiritishdi. 

Bugun Peru musobaqasida qatnashgan delegaciyamiz Toshkentga qaytib keldi. Sportchilarimizni tantanali kutib olish marosimida Milliy olimpiya qo'mitasi va O'zbekiston Respublikasi Mudofaa vazirligi mutasaddilari, sportchilarimizning yaqinlari va OAV vakillari ishtirok etishdi. 

Eslatib o'tamiz, musobaqada Adhamjon Ergashev (-67 kg) 1 ta oltin va 1 ta kumush, Muattar Nabieva (-55 kg) 2 ta kumush va 1 bronza, Doston Yoqubov (-73 kg) esa 3 ta bronza medallariga sazovor bo'lgan.