Petr Yan UFC reytingida Nurmagomedovdan o'tib ketdi

Ushbu vaznda sobiq UFC chempioni Petr Yan yangilangan rasmiy reytingda bir pog'onaga yuqorilab, ikkinchi o'ringa ko'tarilib oldi. Bu bilan Yan vatandoshi Umar Nurmagomedovni uchinchi pog'onaga tushishga majbur qildi, yani o'ziga xos rokirovka bo'ldi. Umar yakshanba tongida gruziyalik chempion Merab Dvalishviliga imkoniyatni boy bergandi.

Merab Dvalishvilining o'zi UFC 311 turniridagi g'alabasidan keyin vazn toifasidan qati nazar P4P UFC reytingida ikki pog'ona yuqorilab, beshinchi o'ringa ko'tarildi. Bu borada u UFC chempionlari Belal Muhammad va Drikus Dyu Plessini ortda qoldirdi. 

Ayni paytda o'ta engil vazn toifasi reytingida amerikalik SHon O’Melli birinchi o'rinni band etgan. Aynan u Merabning chempionlik kamari uchun asosiy davogar bo'lib turibdi. SHon O’Melli o'tgan yilning sentyabrida aynan Dvalishviliga ochkolar hisobiga ko'ra yutqazib, kamarini boy bergandi. Petr Yan esa noyabr oyida ketma-ket ikkinchi g'alabasini qo'lga kiritgandi. U braziliyalik Deyveson Figeredoni taslim etgandi.