Pol Skoulz: "Arsenal" APL tarixidagi eng yomon chempion bo'lishi mumkin"

"Agar "Arsenal" ligada g'olib chiqsa, ular APL tarixidagi eng yomon chempionga aylanishi mumkin. Agar siz mavsum ramziy jamoasini tuzmoqchi bo'lsangiz va hujum chizig'iga to'rtta o'yinchi tanlasangiz, "Arsenal"dan hech kim bu ro'yxatga kirmagan bo'lardi.

Avvalgi chempionlarga qarang — "Liverpul" hujumchilari hayratlanarli darajada kuchli edi. "Arsenal"da yagona istisno Bukayo Saka bo'lishi mumkin, lekin u ham porlayotgani yo'q. Bu yil uning hisobida gollar va golli uzatmalar kam", — dedi Skoulz.

Eslatib o'tamiz, ayni damda "Arsenal" APL turnir jadvalida 50 ochko bilan peshqadamlik qilmoqda, biroq so'nggi turda "Manchester Yunayted"ga imkoniyatni boy berdi (2:3).