Polvonlarimiz MDH o'yinlarida koresh bo'yicha 9 ta medal qo'lga kiritishdi + FOTO

Musobaqa dasturidan Tatariston kurash sport turi, yani koresh ham o'rin olgan bo'lib, ushbu bellashuvlarda O'zbekiston Bel olish va uch kurash associaciyasi tomonidan 10 nafar sportchilarimiz Nosir Azizov bosh murabbiyligida ishtirok etishdi.

Quvonarlisi, terma jamoamiz azolaridan 4 nafari kumush, 5 nafari bronza medalini qo'lga kiritib, umumjamoa hisobida faxrli uchinchi o'rinni egallashga muaffaq bo'lishdi. 

Biroq, terma jamoa bosh murabbiyi Nosir Azizovning takidlashicha, natijalar bundan ham yuqori bo'lishi mumkin ekan. Boisi, 70 kg.da Manguberdi Imyanov hamda 75 kg vazn toifasi finalida kurashgan Husan Abduhakimovning rossiyalik raqiblariga nisbatan yaqqol ustunlikka erishgan, ammo musobaqa hakamlari tomonidan sportchilarimizning natijalari etiborga olinmagan. SHu tariqa har ikkala sportchimiz kumush medallar bilan cheklangan.

Birinchi MDH o'yinlarining koresh musobaqasida medallarga ega bo'lgan polvonlarimiz:

Kumush medal sohiblari:

70 kg. Manguberdi Imyanov

75 kg. Husan Abduhakimov

100 kg. Uchqunjon Xursandov

Mutloq vazn. Ilyosbek Obidjonov

Bronza medali sohiblari

65 kg. Abdurahmon Egamov

80 kg. Muhammadkarim Karimov

85 kg. Akmaljon Hakimov

90 kg. Umidjon Jalilov

120 kg. Asadbek Zokirov