17 apr 13:19
Yangiliklar

Tennis

Porsche Tennis Grand Prix. Ostapenkoda kutilmagan mag'lubiyat

Dunyoning o'ninchi raketkasi Elena Ostapenko Germaniyaning SHtutgart shahrida o'tkazilayotgan turnirning startidayoq ishtirokini yakunladi.

Latviyalik tennis malikasi Porsche Tennis Grand Prix turnirining ilk davrasida WTA reytingida 31-pog'onada borayotgan chexiyalik Linda Noskovaga deyarli qarshiliksiz yutqazib qo'ydi - 3/6, 1/6.

Tennischilarning o'zaro uchrashuvlaridagi hisob muvozanati ham tiklandi - 1:1. Oltmish etti daqiqa davom etgan bahsda Ostapenko 1, Noskova 8 ta eys zarbasini amalga oshirdi. Qo'shxatolar Lindada ancha ko'proq bo'ldi - 8 ga 2. Breyklar chexiyalik tennischi foydasiga - 5 ga 1.

Endi Noskova Porsche Tennis Grand Prix Noskova turnirining ikkinchi bosqichida britaniyalik Emma Radukanu yoki germaniyalik Anjelik Kerberga qarshi kortga chiqadi.