Poytaxtimizda qilichbozlik bo'yicha mamlakat chempionati qizg'in davom etmoqda

Reglamentga ko'ra, dastavval sablya hamda shpaga yo'nalishida g'olib va sovrindorlar aniqlab olinmoqda.

Kutilganidek, sablya yo'nalishida Tokio-2020 licenziatlari Zaynab Dayibekova hamda SHerzod Mamutov tengsiz ekanliklarini yana bir karra namoyish qilishdi. Jamoaviy yo'nalishda erkaklar o'rtasida Toshkent, ayollardan qoraqalpoq qizlari oltin medallarga ega chiqishdi.

Kecha shpaga qurolida yakkalik bahslari yakuniga etdi. Ushbu dasturda ayollar o'rtasida yana bir Tokio-2020 licenziati Malika Hakimova barcha raqiblariga hech qanday imkoniyat qoldirmagan bo'lsa, Fayzullo Alimov erkaklar o'rtasida birinchilikni hech kimga bermadi. Batafasil:

Qilichbozlik bo'yicha O'zbekiston chempionati
SHpaga, erkaklar
1. Fayzullo Alimov (Toshkent)
2. Roman Aleksandrov (MHSK)
3. Avezbek Naimov (Buxoro)
3. Javohirbek Nurmatov (Andijon)

SHpaga, ayollar:
1. Malika Hakimova (Toshkent)
2. Veronika Rojkova (Toshkent)
3. Aziza Hamidova (Buxoro)
3. Dilnaz Murtazaeva (Qoraqalpog'iston)

Dasturga ko'ra, bugun sportchilar shpaga bo'yicha jamoaviy yo'nalishda g'oliblik uchun bahs olib borishadi.