President's Cup. Final o'zbekistonlik tennischilarsiz o'tadi. Juda alamli va g'alati mag'lubiyatlar

Afsuski, musobaqada ishtirok etgan har ikki tennischimiz ham 1/2 finalda uch set natijasiga ko'ra alamli tarzda mag'lubiyat alamini totib ko'rib, o'z ishtirokini yakunladi. O'zbekistonning birinchi raketkasi Sergey Fomin final yo'llanmasi uchun kechgan uchrashuvda reytingning 629-pog'onasida borayotgan tunislik 29 yoshli Aziz Dugazga 6/4, 1/6, 5/7 hisobida imkoniyatni boy berdi. Fomin hal qiluvchi uchinchi setda 4/1, 5/2 hisoblarida oldinda bora turib, match-bolldan foydalana olmadi.

Taqqoslash uchun, turnirda uchinchi raqam ostida tasniflangan Fomin ATP reytingida 308-o'rinni egallab turibdi. Sergey 126 daqiqalik uchrashuv davomida 8 ta, Aziz esa 10 ta eys zarbasini amalga oshirdi. Qo'shxatolar hamyurtimizda ko'proq bo'ldi - 7 ga 4. 

Mamlakatimizning ikkinchi raketkasi Humoyun Sultonov ham uch setlik uchrashuvda raqibidan engildi. Turnirga zaxira o'yinchisi sifatida qo'shilgan vakilimiz 1/2 finalda turnirning to'rtinchi raketkasi, yaponiyalik Hayato Macuokaga 6/3, 3/6, 4/6 hisobida yutqazdi. Hal qiluvchi uchinchi setda Humoyun 4/1 hisobida g'alaba qozonayotgani juda alamli bo'ldi. 

Sultonov ATP reytingida 513, Macuoka 314-o'rinni egallab turibdi. Ikki soatu 9 daqiqalik bahs davomida Humoyun 2, Hayato 3 ta eys zarbasini amalga oshirdi. Qo'shxatolar yaponiyalikda bittaga ko'proq bo'ldi - 4 ga 3. Bu tennischilarning o'zaro o'tkazgan ikkinchi uchrashuvi bo'ldi - 1:1.