Qamashilik yosh polvonlar "Bosh prokuror kubogi" uchun bellashdi FOTOGALEREYA

O'zbekiston Respublikasi Prezidentining 2020 yil 30-oktyabrdagi “Sog'lom turmush tarzini hayotga keng tatbiq etish va ommaviy sportni yanada rivojlantirish chora-tadbirlari to'g'risida”gi PF-6099 sonli Farmoniga muvofiq va O'zbekston Respublikasi Prokuratura organlari tashkil etilganligining 30 yilligi munosabati bilan tashkil etilgan musobaqa ko'tarinki ruhda bo'lib o'tdi.

Musobaqaning ochilish marosimida Qamashi tuman prokurori B.Bahodirov, viloyat kurash federaciyasi sport direktori B.Boymurodov, tuman turizm va sport bo'limi boshlig'i U.SHaripov, tuman kurash federaciyasi ijrochi direktori SH.Yusupov, tuman 2-BO'SM direktori SH.Soatov ishtirok etdilar.

Musobaqani tuman prokurori B.Bahodirov tantanali ravishda ochib, murabbiylar hamda sportchilarga omad tiladi. SHundan keyin O'zbekiston madhiyasi yangradi.

Musobaqada g'olib va sovrindorlar hamda turli nominaciyalar g'oliblari tashkilotchilar tomonidan diplom, medal, kubok va qimmatbaho estalik sovg'alari bilan taqdirlandilar.

Turnir yakuniga ko'ra, 2-BO'SM tarbiyalanuvchilari umumjamoa hisobida g'oliblikni qo'lga kiritishdi va musobaqa bosh sovrini “Bosh prokuror kubogi”ramzi tushirilgan kubokka ega chiqishdi.

Tuman bosqichida g'olib bo'lgan sportchilar joriy yilning 3-4 dekabr kunlari Qarshi shahrida bo'lib o'tadigan viloyat bosqichida ishtirok etishadi. 

Faxriddin CHORIEV tayyorladi