Qarshi OPSTTM jamoasi Ikkinchi jahon urushi qatnashchisi xonadonida bo'lishdi + FOTO

Xususan, Qarshi olimpiya va paralimpiya sport turlariga tayyorlash markazida ham Xotira va qadrlash kuniga bag'ishlab manaviy-marifiy tadbirlar tashkil etildi. 

Jumladan, markaz xodimlari hamda bir guruh chempion sportchi-o'quvchilar ishtirokida Qarshi shahrida istiqomat qilayotgan Ikkinchi jahon urushida fashizm ustidan qozonilgan g'alabaga munosib hissa qo'shgan, Ikkinchi jahon urushi qatnashchisi, urush va mehnat faxriysi Vera Nosirova xonadonida bo'lib, Vera Andreevnaga chuqur hurmat-ehtirom ko'rsatishdi. 

Uchrashuvda Vera Nosirova yoshlarga suronli yillarda kechirgan qiyin hayot yo'llari haqida so'zlab berib, yoshlarimiz bugungi tinch va osuda hayotning qadriga etishlari kerakligini takidladi. 

SHuningdek, Qarshi OPSTTM jamoasi o'quvchi-yoshlari bilan birgalikda Qarshi shahridagi Motamsaro ona haykali poyiga gul qo'yishib, Ikkinchi jahon urushi paytida jon fido qilgan qaxramonlarimizni yod etishdi.

Ilhom RAHMONOV tayyorladi