Qarshida O'zbekiston chempionlari aniqlanadi

Qarshi shahridagi “Geolog” sport-sog'lomlashtirish majmuasida o'tkazilayotgan mazkur musobaqada mamlakatimizning barcha hududlaridan 600 nafar sportchi g'oliblik uchun gilamga tushishgan. SHundan 200 nafarini qizlar tashkil etadi.

Mazkur chempionat bahslarini odil va shaffof o'tishini taminlash maqsadida hakamlik masalasiga xam alohida etibor qaratilgan. Jumladan, O'zbekiston kurash federaciyasining tashabbusi bilan hakamlar uchun ikki kunlik seminar tashkil etilib, musobaqada ishlaydigan hakamlarning malakasi yana bir bor ko'rikdan o'tkazildi.

Hakamlar o'quv-seminariga har bir viloyatdan ikki nafardan referi jalb etildi. Ushbu o'quv-seminarni tashkil etishdan ko'zlangan maqsad – O'zbekiston chempionati bahslarida to'g'ri qaror qabul qilish, nizolarga yo'l qo'ymaslik va eng muhimi, tomoshabinlarga manzur bo'ladigan halol kurash bellashuvlarini tashkil etib berishdan iborat.

Jismoniy tarbiya va sport vazirligi, O'zbekiston kurash federaciyasi hamda Qashqadaryo viloyati hokimligi ushbu musobaqani yuqori saviyada tashkil etish uchun barcha imkoniyatlarini ishga solishgan.

Takidlash joiz, bugun yakuniga etadigan ushbu musobaqa mamlakat o'smirlar va yoshlar terma jamoalariga munosib nomzodlarni saralab olish imkonini beradi.