03 iyu 09:18
Yangiliklar

Bolalar sporti

Qashqadaryoda Yoshlar kubogi musobaqalari keng miqyosda tashkil etildi

Yoshlar kuni munosabati bilan Jismoniy tarbiya va sport vazirining tegishli buyrug'i asosida mamlakatimizning yashil hududlarida yoshlar o'rtasida sport tadbirlari o'tkazilmoqda.

Jumladan, Qashqadaryo viloyatining Yakkabog', G'uzor, Koson, Nishon tumanlari va SHahrisabz shahrida stol tennisi, mini futbol, voleybol, badminton sport turlari bo'yicha yoshlar o'rtasida ommaviy sport musobaqalari tashkil etildi.

Musobaqalardan oldin karantin talablariga muvofiq, sport inshootlari to'liq dezinfekciya qilinib, gigienik vositalar bilan taminlandi.

Viloyat bo'yicha mingdan ortiq yoshlarni qamrab olgan «Yoshlar kubogi» musobaqalari yakunida g'olib va sovrindorlar tashkilotchilar tomonidan diplom, medal va qimmatbaho sovg'alar bilan taqdirlandi.