Qatar 2032 yilgi Olimpiya o'yinlarini o'tkazmoqchi ekanligini elon qildi

"Sport yillar davomida mamlakatimiz rivojiga o'z hissasini qo'shib keldi. Engil atletikadan velosportgacha, gimnastikadan futbolgacha, tennisdan voleybolgacha. Qatar bunday musobaqalarni jahon saviyasida o'tkazib, yaxshigina tajriba to'pladi. 

Aynan mana shu sinovdan o'tgan boy tajriba bizga qo'l keladi", - dedi Qatar Milliy olimpiya qo'mitasi prezidenti Hamad al-Tani.

Malumot uchun, ushbu Olimpiadani o'tkazish uchun shuningdek Hindiston, Indoneziya, Germaniya, Ispaniya, Avstraliya kabi mamlakatlar tomonidan ham qiziqish bildirilgan. 

Eslatib o'tamiz, Qatar 2022 yili futbol bo'yicha jahon chempionatiga mezbonlik qiladi.