Qilichboz qizlarimiz Osiyo chempionatining jamoaviy bahslarida sovrindor bo'lishdi

Bungacha o'smirlar o'rtasidagi bahslarda sablya yo'nalishida SHerzod Mamutov, shuningdek jamoaviy bahslarda o'g'il bolalar o'rtasida yigitlarimiz bronza medaliga ega chiqishgandi. 

Bugun yoshlar o'rtasidagi bellashuvlar yakunlandi. Quvonarlisi, sablya yo'nalishining qizlar o'rtasidagi jamoaviy bahslarida terma jamoamiz azolari bronza medalini qo'lga kiritishdi. Hamyurtlarimiz chorak finalda tarkibida sobiq jahon chempioni bo'lgan Singapur terma jamoasini 45:44 hisobida mag'lub etishdi. Yarim finalda esa Janubiy Koreya vakillariga 35:45 hisobida imkoniyat boy berildi. SHu orqali sportchilarimiz bronza medaliga sazovor bo'lishdi. Yarim finalda mag'lub bo'lgan qizlarimiz ikkinchi juftlikda Xitoyga yutqazgan yaponiyalik raqibalariga to'qnash kelishdi va 45:31 hisobida g'alaba qozonishdi. Musobaqa reglamentiga ko'ra, yarim finalda mag'lub bo'lgan jamoalar bronza medalini qo'lga kiritishadi. Yaponiyaga qarshi bahs orqali esa qo'shimcha reyting ochkolari ishlab olindi. Qayd etish lozimki, Yaponiya musobaqada birinchi raqam ostida saralangan terma jamoa hisoblanadi.

CHempionat davomida yurtimiz sharafini Zaynab Dayibekova, Aysulu Usnatdinova, Sevinch Ismoilova kabi sportchilarimiz himoya qilishdi.