Qilichboz Zaynab Dayibekova yilning eng yaxshi yosh sportchisi bo'ldi

O'zbekiston Respublikasi Jismoniy tarbiya va sport vazirligi hamda O'zbekiston Milliy olimpiya qo'mitasi tomonidan tashkil qilingan mazkur tadbirda o'tib borayotgan yil davomida sportimiz rivoji yo'lida mehnat qilgan eng yaxshi atlet va murabbiylar, federaciya, hakam, sport mutasaddilari, jurnalist va masul tashkilotlar jami 20 ga yaqin nominaciya bo'yicha taqdirlanishdi. 

Ushbu nufuzli mukofotga sazovor bo'lganlar orasida qilichbozlik sporti sablya yo'nalishida erishgan sport natijalari uchun Zaynab Dayibekova “Yilning eng yaxshi yosh va istiqbolli sportchisi” nominaciyasi g'olibi bo'ldi.

Biz yilning eng yaxshi istiqbolli sportchilar qatoridan o'rin olgan Zaynabni ushbu mukofot bilan qutlaymiz. Kirib kelayotgan yangi yilda ham barcha qilichbozlarga yanada yorqin sport yutuqlarini tilab qolamiz.