18 dek 08:53
Yangiliklar

Qilichbozlik

Qilichbozlar Markaziy Osiyo chempionatida bellashmoqda

Toshkentda qilichbozlik bo'yicha kichik o'smirlar o'rtasida o'tayotgan Markaziy Osiyo ochiq chempionatida Tojikiston, Turkmaniston, Qirg'iz Respublikasi, Qozog'iston hamda mamlakatimiz vakillari raqobatlashmoqda.

Ushbu musobaqaning shpaga yo'nalishi bo'yicha yakkalik bahslarida 100 nafarga yaqin qilichbozlar o'zaro bellashdi. Unda U12 yosh toifasida turkmanistonlik Zeynep Abdullaeva, U14 yoshli shpagachilar orasida hamyurtlarimiz Selimxon Mustafoev va Zarina Hamroboeva, U11 yosh toifasida qozog'istonlik Amirali Amangajieva oltin medalga sazovor bo'ldi.

Eslatib o'tamiz, Markaziy Osiyo chempionati 21 dekabr kuniga qadar davom etadi. Mazkur musobaqada sablya va rapira yo'nalishlari bo'yicha ham g'olib va sovrindorlar aniqlanadi.