26 noy 12:44
Yangiliklar

Qilichbozlik, Fotogalereya

Qilichbozlarga sport anjomlari topshirildi + FOTOGALEREYA

Teglar : Qilichbozlik

O'zbekiston Qilichbozlik federaciyasining joylardagi hududiy bo'linmalarining moddiy texnika bazasini yanada mustahkamlash, yosh sportchilarimizni tegishli sport kiyimlari (ekipirovkalari) va anjomlari bilan taminlash kabi ibratli ishlar tizimli ravishda amalga oshirilmoqda.

Kecha joylardagi qilichbozlik bo'linmalarini va sportchilarni qo'llab-quvvatlash maqsadida ularga kerakli sport anjomlari, jihozlar va ekipirovkalar tantanali ravishda topshirildi.

Birinchi bosqich (joriy yil avgust oyi)da qilichbozlik federaciyasining joylardagi mintaqaviy sport bo'limmalariga, jumladan Qoraqalpog'iston respublikasi, Toshkent, Jizzax, Sirdaryo viloyatlariga qilichbozlik sporti maxsus kiyimlari, qilichbozlik yo'lakchalari va boshqa jixozlar berilgan edi.

Kecha homiylar tomonidan topshirilgan qilichbozlik sport anjomlari ushbu boshlangan hayrli ishning ikkinchi bosqichi hisoblanadi. Andijon, Buxoro, Qashqadaryo, Navoiy, Samarkand, Farg'ona, Namangan viloyatlari hamda Toshkent shahar bo'linmalari, Qilichbozlik milliy klubi vakillariga 19 nom va turdagi sport anjomlari va jihozlari, maxsus kiyimlarning hadya etilgani, ayni muddao bo'ldi.