24 jan 14:07
Yangiliklar
Qilichbozlarimiz Jahon Kubogida ishtirok etadilar
Mazkur turnirda mamlakatimiz sharafini to'rt nafar sportchi himoya qiladi.
SHpagachilarimiz musobaqada quyidagi tarkibda ishtirok etishadi:
Igor Knyazev
Javohirbek Nurmatov
Abdulvosid Nasirdinov
Ruslan Kudaev (shpaga yo'nalishi bo'yicha O'zbekiston terma jamoasi bosh murabbiyi, Jahon chempionati finalchisi, Osiyo chempionati kumush medali sohibi, London Olimpiadasi ishtirokchisi):
"Hozirda biz qitadagi to'rt yillikning eng muhim musobaqasi – Osiyo o'yinlariga puxta tayyorgarlik ko'rmoqdamiz. Germaniyada Jahon Kubogi doirasidagi birinchi musobaqa bo'lib o'tadi. Tayyorgarlikni biz o'tgan yilning sentyabr oyidan boshlab yuborganmiz, xususan, uzluksiz o'quv-mashg'ulot yig'inlarida bo'ldik, Yaponiya, Rossiya kabi mamlakatlarda yig'inlar o'tkazdik.
Musobaqa oldidan so'nggi yig'inni Toshkent shahrida tashkil qilishga qaror qildik. O'ylaymanki, hozirda sportchilarimizning tayyorgarlik darajasi yuqori. Biz muvaffaqqiyatli natija uchun astoydil harakat qilamiz. Musobaqa juda nufuzli ekanligi barchaga malum va bu zimmamizga juda katta masuliyat yuklaydi. Jahon kubogida kuchsiz raqiblar bo'lmaydi. Bugungi kunda qilichbozlik barcha mamlakatlarda rivojlanmoqda. Osiyo mamlakatlari ham hozirda kuchli. Janubiy Koreya, Yaponiya va Qozog'istonlik sportchilar doimiy ravishda yuqori natijalarni ko'rsatib kelmoqdalar. Biz aynan kimga qarshi kurashishimiz qura tashlash jarayonida aniqlanadi va unga ko'p narsa bog'liq.
Bir necha kun oldin ishtirokchilar soni allaqachon 300 nafardan oshgandi va bu son yanada ko'payishi kutiladi. Bu albatta juda katta sondir. Ammo, shpagaga kelganda, buning ajablanarli joyi yo'q. CHunki shpaga bo'yicha hech bir musobaqada ishtirokchilar soni 250 nafardan kam bo'lmaydi. Qilichbozlikning eng ommaviy turi shpagadir. Bu yo'nalish barcha mamlakatlarda rivojlangan. Misol uchun, Estoniya va Qirg'isizston kabi davlatlarda faqat shpaga yo'nalishi mavjud. Bu holat ko'plab boshqa mamlakatlarda ham kuzatiladi”. 
Igor Knyazev (O'zbekiston milliy terma jamoasi azosi, sport ustasi, Navoiy viloyati, yoshlar o'rtasida Osiyo chempionatlarida ikki marotaba kumush medal sohibi, ko'p marotaba O'zbekiston chempioni. 12 yildan beri qilichbozlik bilan shug'ullanib kelmoqda):
“Musobaqaga tayyorgarlik ko'rish maqsadida o'quv-mashg'ulot yig'inlari tashkillashtirildi. Oldimizda turgan turnirda biz muvaffaqiyatli ishtirok etishga harakat qilamiz. Bu hozirgi kunda bizning asosiy maqsadimizdir. Albatta, Germaniyadagi musobaqa nufuzli. U erda dunyoning eng kuchli sportchilari qatnashadi. Jahon kubogi o'z ichiga bir qator musobaqalarni oladi va barcha mamlakatlar bu musobaqaga o'zining eng kuchli sportchilarini yuborishadi. Ushbu sport asoschilari bo'lmish franciyalik qilichbozlarga qarshi kurashish doim mushkul vazifa bo'lib kelgan. Bundan tashqari Koreya, Xitoy, Yaponiya va Italiyadan tashrif buyuradigan sportchilar ham juda kuchli. Murabbiyim takidlab o'tganidek, ko'p narsa qura tashlash jarayonida hal bo'ladi. Ammo, bizda qo'rquv yo'q. CHunki biz puxta tayyorgarlik ko'rdik va yangi mavsumni omadli boshlashni maqsad qilib qo'yganmiz”.
Malumot uchun, musobaqa 25-27 yanvar kunlari o'tkaziladi. Unda sportchilarimiz yakkalik va jamoaviy bahslarda o'z omadlarini sinab ko'rishadi. Terma jamoamiz Toshkentga 29 yanvar kuni qaytib keladi.
Fikrlar