Qilichbozlarimiz Novosibirskda yig'in o'tkazmoqdalar

Ushbu yig'inda umumiy hisobda 12 nafar sportchimiz ishtirok etmoqda. Ulardan 7 nafari o'smirlar, 5 nafari qiz bolalardir. Yig'in Taylandda bo'lib o'tishi kutilayotgan kadetlar va o'smirlar o'rtasidagi Osiyo chempionatiga (22 fevral - 5 mart) tayyorgarlik vazifasini bajaradi. Bundan tashqari vakillarimiz Bolgariyada bo'ladigan jahon chempionati (1-10 aprel) va 2018 yilda Argentinada bo'lib o'tadigan o'smirlar Olimpiadasida ham ishtirok etishlari kutilmoqda.



(Suratda: (chapdan o'ngga) Dushanboev Jaloliddin, Rasulov Bobir, Limarev Ivan (Nankin Olimpiadasi g'olibi), Olimjonov Bekzod, Baxtiyorov Abdulaziz)

Malumot uchun, Novosibirskdagi "Qilichbozlar tayyorlash sport markazi" tarbiyalanuvchilari 2016 yil davomida turli xalqaro sovrinlarda 248 ta medalni qo'lga kiritdilar. Ular ichida Rioda bo'lib o'tgan Olimpiya o'yinlari g'olibi Gavrilova Yuliyani ham ko'rsatishimiz mumkin.

Ayni paytda O'zbekiston terma jamoasi sportchilari kuniga ikki mahaldan mashg'ulotlar o'tkazishmoqda. Ushbu mashg'ulotlar "Spartak" stadionida va Stanislav Pozdnyakov nomidagi markazda bo'lib o'tmoqda.

Tayyorgarliklar davomida sportchilarning mahoratini oshirish va tiklanish mashqlari (basseyn, sauna) o'tkazilmoqda.

SHuningdek, Novosibirsk jamoalari bilan uchrashuvlar ham o'tkazilmoqda

Suratda: Nosirov Nurali (sablya bo'yicha O'zbekiston terma jamoasi katta murabbiyi), Boris Piseckiy (Novosibirsk viloyati katta murabbiyi, 4 karra jahon chempioni), Nosirov SHerali (Qilichbozlik bo'yicha O'zbekiston terma jamoasi menejeri).

Qilichbozlarda bir gap bor: "Qilichbozni oyoqlari boqadi". Konkidagi mashqlar oyoqlarni mustahkamlash va muvozanatni ushlab turishda juda muhim rol o'ynaydi.

Mashg'ulot jarayoni