Qilichbozlarimizning mashg'ulot jarayonlari va murabbiy fikri VIDEO

Biz sportchilarimizning mashg'ulot jarayonlariga tashrif buyurdik. SHuningdek, rapira bo'yicha terma jamoamiz katta murabbiyi Irina Vasilevaning fikrlari bilan qiziqdik.

"Ayni paytda qilichbozlarimiz Osiyo chempionatiga tayyorgarlik ko'rmoqdalar. Gonkongda bo'lib o'tadigan qita chempionatida O'zbekiston sharafini himoya qiladigan sportchilarni Respublika chempionatida aniqlab oldik. Hozirda terma jamoamiz Rossiyada yig'in o'tkazmoqda. U erdagi Olimpiya bazasida Rossiya terma jamoasi bilan birga mashg'ulotlar o'tkazmoqdalar. U erda Olimpiada chempionlari bilan birga shug'ullanmoqdalar. Kecha shuningdek yig'inga Avstriya terma jamoasi qilichbozlari ham qo'shildilar.

Yakshanba kuni jamoa Toshkentga keladi va ertasiga Osiyo chempionatida ishtirok etish uchun Gonkongga uchib ketadi.

Taxminlar? Medalga umid qilmoqdamiz. Lekin, oldindan bashorat qilmaymiz. Osiyo chempionati uchun ishlab chiqilgan barcha rejalar amalga oshirildi. Qoniqarli natijalar kutamiz.

Osiyo chempionatida turli mamlakatlardan 80 dan ortiq sportchi ishtirok etadi. U erga Osiyoning kuchli qilichbozlari tashrif buyuradilar.

O'zbekistondan umumiy hisobda 11 nafar sportchi yurtimiz sharafini himoya qiladilar. Ular Respublikamizning eng yaxshi qilichbozlari hisoblanadilar", - deydi murabbiy Irina Anatolevna.

Videoni tomosha qilish (TAS-IX) > > > http://mytube.uz/tracks/544143.htm

YouTube'da ko'rish