Qilichbozlik bo'yicha Osiyo chempionatida navbatdagi medalga ega chiqdik

Bu gal sablyachi yigitlarimiz jamoaviy dasturda shohsupaga ko'tarildilar.

Dastlabki bosqichda Makaoni 45:15 mag'lub etgan hamyurtlarimiz chorak finalda Xitoydan 45:43 hisobida ustun kelishdi. Biroq murosasiz kechgan yarim final jangida Yaponiyaga 44:45 hisobida imkoniyat boy berildi. Uchinchi o'rin uchun kechgan bellashuvda esa Gonkong 45:39 hisobida mag'lub etildi.