Qilichbozlik bo'yicha o'smirlar o'rtasidagi Respublika chempionati start oldi

2-7 fevral kunlari Toshkentda bo'lib o'tadigan musobaqaning birinchi kuni qilich (sablya) yo'nalishida bo'lib, unda 2001 yil va undan keyin tavallud topgan o'smir qilichbozlarimiz ishtirok etdilar.

Qizlar o'rtasida bo'lib o'tgan musobaqada Zaynab Dayibekova barcha raqiblarini mag'lubiyatga uchratgan holda g'oliblikni qo'lga kiritdi. Qoraqalpoq qizi finalda poytaxtlik Sevinch Ismoilovani mag'lubiyatga uchratdi. Musobaqaning bronza medallari SHahnoza Tog'aymurodova (Toshkent) va Sayyora Mirziyodovaga (Toshkent viloyati) nasib etdi.

Erkaklar o'rtasida bo'lib o'tgan musobaqada Bobir Rasulov (Toshkent) bosh sovringa ega chiqdi. U finalda Toshkent viloyatidan tashrif buyurgan Jaloliddin Dushanboev ustidan g'alaba qozondi. Turnirning bronza medallari SHerzod Mamutov (Qoraqalpog'iston) va Abdulaziz Baxtiyorovga (Toshkent v.) nasib etdi.

CHirchiq shahri olimpiya zaxiralari kollejida 2015 yil ochilgan qilichbozlik sinfini qisqa vaqt ichida o'z maxsulini berayotganini, yuqoridagi natijalar orqali ko'rishimiz mumkin.

Qizlar va o'g'il bolalar o'rtasida kechgan musobaqalarda sovrindorlarga aylangan

Endi musobaqaning rapira va shamshir yo'nalishlari bo'yicha g'olib va sovrindorlar aniqlanadi.