Qilichbozlik federaciyasi bilan Tokio Olimpiadasi uchun rejalar muhokama qilindi

Bungacha engil atletika, boks, dzyudo, og'ir atletika, gimnastika, suv sporti, gandbol, basketbol kabi sport federaciyalari vakillari bilan Tokio 2020 Olimpiadasi uchun ishlab chiqilgan strategiya muhokama qilindi.

Milliy olimpiya qo'mitasidagi navbatdagi uchrashuv O'zbekiston qilichbozlik federaciyasi vakillari bilan o'tkazildi. Sir emaski, qilichbozlik sport turida Olimpiya o'yinlariga licenziya qo'lga kiritish oson bo'lmagan vazifalardan biri hisoblanadi. Ammo, Tokio Olimpiadasi uchun maqsadlar jiddiy. O'tkazilgan yig'ilishda qilichbozlarimizning tayyorgarlik rejalari, xorijiy etakchi mamlakatlar tajribasini sinab ko'rish, o'quv-mashg'ulot yig'inlarini o'tkazish va boshqa masalalar muhokama qilindi. Olimpiya o'yinlariga licenziya beruvchi turnirlar haqida malumot berildi. SHuningdek, ishchi guruh tomonidan qilichbozlarimizning bungacha o'tkazilgan musobaqalardagi natijalari tahlil qilindi.