Qilichbozlik federaciyasi onlayn o'quv-mashg'ulotlarni boshladi

Mazkur o'quv-mashg'ulotlar uchta platformada kuniga ikki marta yani, ertalab va kechki payt har xil yosh toifalari ishtirokida o'tkazilmoqda.

Birinchi platformada qilichbozlik bo'yicha terma jamoaning 104 nafar sportchilari, ikkinchi platformada 2005-2007 yillarda tug'ilgan 111 nafar sportchilar hamda uchinchi platformada 2008 yilda tug'ilgan 103 nafar sportchilar qamrab olindi.

Ushbu mashg'ulotlar qilichbozlik bo'yicha mutaxassislar tomonidan olib borilmoqda. Jumladan, qilichbozlikning sablya yunalishida uchkarra Olimpiada chempioni, ikkikarra kumush va bir marta Olimpiya uyinlarining bronza medali sohibi Nazlimov Vladimir Aliverovich, bolgariyalik murabbiy Kamadjiev Martin hamda shpaga yunalishi buyicha venesuelalik mutaxassis – Xose Benavideslar olib borishmokda.

Bundan ko'zlangan asosiy maqsad-sportchilar etiborini umumiy jismoniy tayyorgarlik hamda maxsus mashg'ulotlarga jalb qilishga qaratilgan. Bundan tashqari, har kuni rejaga muvofiq qilichbozlik federaciyasi sport shifokorlari, sport dietologi sportchilar bilan onlayn seminarlar o'tkazmoqda.

SHu bilan bir qatorda hozirgi kunda sportchilar uchun alohida onlayn dars tashkil etilgan bo'lib, unda qilichbozlarning bilimlarini yanada oshirish maqsadida ingliz tili saboqlari berib borilmoqda.

Malumot o'rnida takidlash joiz, yaqin kunlarda qilichbozlik bo'yicha birinchi Respublika onlayn musobaqasi o'tkazilishi rejalashtirilgan.