Qilichbozlik federaciyasi onlayn seminar tashkil qildi

Xuddi shunday tadbir hududlardagi murabbiylari uchun tashkil etildi. Maqsad – xorijlik hamkasblar bilan o'zaro tajriba va fikr almashishdan iborat. Bu mamlakatimizda qilichbozlikni yanada rivojlantirish va sportchilarni sifatli tayyorlashga xizmat qiladi. Onlayn seminarda O'zbekiston Milliy olimpiya qo'mitasi, mamlakat qilichbozlik federaciyasi va uning viloyatlardagi vakillari hamda murabbiylari, shuningdek, polshalik mutaxassis Konsalskiy Jorzi-Zbigniev ishtirok etdi.

«Qilichbozning umumiy jismoniy tayyorgarligi» mavzusida o'tgan seminarda nutq so'zlagan Konsalskiy qilichbozlar uchun umumiy jismoniy tayyorgarlikning muhimligini takidladi va tayyorgarlikning tarkibiy jihatlari haqida so'zlab berdi. Qilichbozlik texnikasi va harakatlarini takomillashtirish uchun jismoniy sifatlar namoyon bo'lishini rivojlantirish va ixtisoslashtirishga qaratilgan maxsus jismoniy tayyorgarlik mavjud. Sportchining maxsus jismoniy tayyorgarligi – bu jang paytida qo'llaniladigan texnika va harakatlar majmuasidir.

«Murabbiylar zimmasiga katta masuliyat yuklanadi, ular har doim o'z shogirdlarini nazorat qilishlari, qilichbozlarning qobiliyatlarini hisobga olgan holda mashg'ulot yuklamasini individual ishlab chiqishlari kerak. O'z navbatida, sportchilar ham ustozlari talablarini bajarishlari lozim. Agar murabbiy mashqni 10 marta bajarishni takidlagan bo'lsa, qilichboz ham buni kamu ko'stsiz bajarishi shart. Qilichboz yaxshi mashq qilganida, u harakatlari samarasini anglab etadi. Har bir mashg'ulotdan so'ng qilichboz chigalyozdi mashqlari bajarishi, murabbiylar bu jarayonni nazorat qilishlari kerak», – deydi mutaxassis.

Murabbiy o'z chiqishida hayoti va faoliyati davomida duch kelgan vaziyatlardan hikoyalari bilan ham o'rtoqlashdi va tegishli tavsiyalar berdi.